UZ RU

O'ZBEKISTON RESPUBLIKASINING DAVLAT BAYROG'I

Husniddin 29-07-2019, 11:07 13 UZ / Bayroq

"O'zbekiston Respublikasi Davlat bayrog'i to'g'risida"gi qonun 1991 yil 18-noyabrda O'zbekiston Respublikasi Oliy Kengashining navbatdan tashqari o'tkazilgan VII sessiyasida qabul qilingan.

Davlat bayrog'i va uning ramzi bugungi O'zbekiston sarhadida qadimda mavjud bo'lgan davlatlar bilan tarixan bog'liqligini anglatadi hamda respublikaning milliy-madaniy an'analarini o'zida mujassamlashtiradi.

Bayroqdagi moviy rang tiriklik mazmuni aks etgan mangu osmon va obihayot ramzi. Timsollar tilida bu - yaxshilikni, donishmandlikni, halollikni, shon-shuhrat va sadoqatni bildiradi. Binobarin, Amir Temur davlati bayrog'ining rangi ham moviy rangda edi.

Bayroqdagi oq rang - muqaddas tinchlik ramzi bo'lib, u kun charog'onligi va koinot yoritkichlari bilan uyg'unlashib ketadi. Oq rang – poklik, beg'uborlik, soflikni, orzu va hayollar tozaligi, ichki go'zallikka intilishning timsoli.

Yashil rang – tabiatning yangilanish ramzi. U ko'pgina xalqlarda navqironlik, umid va shodumonlik timsoli hisoblanadi.

Qizil chiziqlar – vujudimizda jo'shib oqayotgan hayotiy qudrat irmoqlarini anglatadi.

Navqiron yarim oy tasviri bizning tarixiy an'analarimiz bilan bog'liq. Ayni paytda u qo'lga kiritilgan mustaqilligimiz ramzi ham.

Yulduzlar barcha uchun ruhoniy, ilohiy timsol sanalgan. O'zbekiston Respublikasi Davlat bayrog'idagi 12 yulduz tasviri ham tarixiy an'analarimiz, qadimgi yilnomamizga bevosita aloqador. Bizning o'n ikki yulduzga bo'lgan e'tiborimiz O'zbekiston sarhadidagi qadimgi davlatlar ilmiy tafakkurida nujum ilmi taraqqiy etganligi bilan ham izohlanadi.

Davlat bayrog'imizdagi 12 yulduz tasvirini o'zbek xalqi madaniyatining qadimiyligi, uning komillikka, o'z tuprog'ida saodatga intilishi ramzi sifatida tushunish lozim.

Yangiliklar

Yoshlar kuni oldidan ma’rifiy tadbir o‘tkazildi

Davlat bojxona qo‘mitasining Bojxona institutida 30 iyun – Yoshlar kuni munosabati bilan

29.07.19 Yoshlar ittifoqi / Tadbirlar
O'ZBEKISTON RESPUBLIKASINING DAVLAT MADHIYASI

"O'zbekiston Respublikasining davlat madhiyasi to'g'risida"gi Qonun 1992-yil 10-dekabrda

29.07.19 Madhiya
Bojxona institutiga bo‘lajak bojxonachilar qabul qilindi

Muhtaram Prezidentimizning 2018 yil 2 noyabrdagi “O‘zbekiston Respublikasi bojxona organlari

29.07.19 Yangiliklar
O'ZBEKISTON RESPUBLIKASINING DAVLAT GERBI

"O'zbekiston Respublikasi Davlat gerbi to'g'risida"gi Qonun 1992 yil 2 iyulda O'zbekiston

18.07.19 Gerb
Qayta tayyorlash va malaka oshirish fakulteti

Qayta tayyorlash va malaka oshirish fakulteti Davlat bojxona qo‘mitasi Bojxona institutining

16.07.19 QTMOF

Bojxona instituti 2019
Chiqish