Bojxona institutida “Foreign Language in Professional activity” nomli ko'rik tanlovi o'tkazildi

2022-04-26

O‘zbekiston Respublikasi Prezidentining 2021 yil 19 mayda qabul qilingan “O‘zbekiston  Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi PQ-5117-sonli  qarorida va O‘zbekiston Respublikasi Davlat Bojxona qo‘mitasi tomonidan belgilab berilgan ustuvor vazifalarida xorijiy tillarni o‘rgatishni ta’lim siyosatining ustuvor yo‘nalishi sifatida rivojlantirish, ushbu yo‘nalishda ta’lim sifatini tubdan oshirish, ta’lim oluvchilarni xorijiy tillarni o‘rganishga bo‘lgan qiziqishini oshirish, shuningdek, xalqaro hamkorlik va muloqotni rivojlantirish uchun shart-sharoit va imkoniyatlar yaratish kabi vazifalar belgilab berilgan. 


Yuqoridagi vazifalarning ijrosini ta’minlash maqsadida 2022 yil 25 aprel kuni Bojxona institutida O‘zbek va xorijiy tillar kafedrasi tomonidan Davlat bojxona qo‘mitasi Bojxona institutining “Smart Customs Cadet”, Toshkent davlat yuridik universitining “Justice” va O‘zbekiston Respublikasi IIV Akademiyasining “Knights of justice” jamoalari o‘rtasida “Foreign Language in Professional activity” nomli ko‘rik-tanlov o‘tkazildi. Ishtirokchi jamoalar kasbiy faoliyatda xorijiy tillarni bilishning zarurati va ahamiyatini o‘zlarining chiqishlari orqali namoyish etdilar.

   


Ko‘rik-tanlovda Hakamlar hay’ati a’zosi sifatida O‘zbekiston davlat  jahon tillari universiteti, Nizomiy nomidagi Toshkent davlat pedagogika universiteti malakali professor-o‘qituvchilari, Bojxona instituti rahbariyati, professor-o‘qituvchilari va kursantlari ishtirok etdilar. 
Ko‘rik-tanlov natijalari bo‘yicha Bojxona institutining “Smart Customs Cadet” jamosi "The most creative", Toshkent davlat yuridik universitining “Justice” jamoasi "The most intelligent" va O‘zbekiston Respublikasi IIV Akademiyasining “Knights of justice” jamoasi "The most active" nominatsiyalari bo'yicha g'olib deb topildi.  Ishtirokchi jamoalar Bojxona instituti rahbariyati tomonidan tayyorlangan sertifikat va sovg‘alar bilan taqdirlandilar.